Audacity

Klasean Audacity programa probatzeko egindako ariketa da hau. Hurrengo grabazioa egin dut EHZ festibalaren txosten kulturalari buruz:

[AUDIO http://euskaltube.com/uploads/audio/Daw01ylyiBGTknsQPK0m.mp3|TITLESS=Txomintxapel|WIDTH=480]

Advertisements

Iruzkin bat utzi

Uncategorized atalean

Community Manager

Sare sozialak komunikazio, publizitate eta marketing mundua guztiz aldatzen ari dira. Hasieran kontaktu harremanetarako bezala hasi ziren plataforma hauek marketing eta publizitatearen iturri bihurtu dira. Milaka lagun gaude Facebook, tuenti eta twitter bezalako guneetatik egunero informazioa jasotzen. Eta bitartean publizitate munduan lan egiten dutenek interneten negozio eredua bilatzen.

Sare sozialetan iragartzearena da CocaCola eta Puma bezalako enpresa handiek egin duten azkeneko apustua. Kontsumitzaile eta bezeroekin harremanetan egotea da azkeneko tendentzia. Coummunity Manager deitzen zaie Social Mediatan enpresa batentzako lan egiten dutenei. Beren eginkizun nagusia sarean enpresaren produktuari buruz esaten den guztiaz jabetzea eta bezeroak informatuta mantentzea da, baita bezeroen eskaerak edo kexak enpresari jakinaraztea ere.

Lanpostu hau geroz eta ohikoagoa izango da gure inguruan, eta nork daki guk horretan bukatuko dugun. Egia esan, lanbide hori ez zait batere desatsegina iruditzen, gustura egingo nukeen zerbait dela uste dut. Teknologia berrietan eta Social Mediatan trebatua izan behar da Community Manager bat izateko, baina ez dut uste hori guretzat oztopo izan daitekeenik.

Hala eta guztiz ere, lan mundua urrun ikusten dut eta nire burua lanpostu batean ikusteko beharrik ez daukat.

Iruzkin bat utzi

Uncategorized atalean

Fikziozko istorioa

Unibertsitateko bizitza markatu nauen gertaera batez hitz egingo dizuet gaurkoan. Arratsalde bero batean gertatu zen, unibertsitatean nengoen astegun batean. Egun lasai eta arrunta zen 2007ko maiatzaren 10 hura.
Klasea amaitzeko 5 minutu besterik ez ziren gertatzen eta komunera joan behar izan nuen eguneroko medikamentua hartzera. Gelatik irten eta korridorearen beste aldeko komunera joan nintzen. Bidean lehenengo kurtsoko 3 edo 4 lagun topatu nituen beren lanak inprimatzen. Komunera iritsi, motxilan eskua sartu eta horrenbeste trasturen artean botika topatu ondoren iturria ireki nuen.
Nire plastikozko ontzian ur jauziak egiten zuen soinua entzuten ari nintzela, bi tiro entzun ziren komunaren ateetatik kanpo. Leiho gabeko 6 metro karratuko gela txiki horretan eta egiten zuen beroarekin itotzear nengoela pentsatzen nuen. Arnasa hartzeko gai ere ez nintzela uste nuen. Lau pareten artean geratu nintzen kisketa jarriarekin. Ez nuen atea irekitzeko ausardiarik izan.
Kanpoan ohituak entzuten nituen, baita gizonezko baten aginduak ere. Ahots lodi eta zakar horren mehatxuak entzuten ziren korridore osoan eta nire urduritasuna areagotu  egin zen. Ikasle eta irakasleak bahituta zituztela zirudien. Eskuko telefonoa hartu, eta 112 larrialdietarako zenbakia markatu nuen gertatzen ari zenaren berri emateko.
Ordu betez geratu nintzen komunean giltzapetuta mugikorra belarrian eta gertatzen ari zenaren berri ematen. 15 minutu beranduago sartu ziren gure erreskatean. Kanpora atera eta mundu osoak zuen gertatutakoaren berri, oraindik ere guk gertatutakoa asimilatzeko gai ez ginen bitartean.

Iruzkin bat utzi

Uncategorized atalean

Iban Aranzabal HUHEZIn

Goiena komunikazio enpresan lan egiten du Iban Arazabalek. Atzo HUHEZIN izan genuen komunikazioaren inguruan hitz egiten. Hitzaldian behin eta berriz azaldutako hitz batekin geratu nintzen: komunitatea.
Interneten agerpenarekin komunikazioa guztiz aldatzen ari da, eta oraindik ere aldaketa prozesu horretan gabiltza. Sare sozialak, blogak… informazio iturri bihurtzen ari dira, berri asko iristen zaizkigu lagun eta ezagunek sortzen dituzten komunitateetatik.
Goiena; telebista, prentsa idatzia eta irratia baino askoz gehiago da. Iban Aranzabalek esandakoaren arabera, Goienaren arrakasta komunikazio bide berriak sartzean eta anitzak izatean dago. Goiena komunikazio enpresak; bloga, danbaka.com, merkatua.net, zugaz… bezalako komunitateak ditu bere barne eta horrekin jende eta publiko anitzari iristea lortu da.
Pentsaeran, ideologian, izakeran eta jokaeran anitzak izateak asko lagundu du egunero 2.400 lagunen bisitak jasotzeko. Izan ere, posizionatzeak audientzia galtzea dakar. Eta Goiena horretatik urrun dago; ez dago alderdiei lotuegia, ez da oso lerratua. Iban Aranzabalek zioen moduan pentsaera desberdinei lekua egin behar zaie -ez bakarrik politikan beste esparru batzuetan ere-  eta izaera desberdinei bidea utzi.
Komunikazioaren une honetan, Goiena moldatze egokia lortzen ari dela uste dut; medio tradizionalez gain, beste komunikazio bide batzuk eskaintzen baititu.

Iruzkin bat utzi

Uncategorized atalean

Google Alerts

Gaurkoan Google Alerts jarri dugu praktikan. Denok gaude sare sozial anitzetan, denok ditugu email kontuak, denok idazten eta irakurtzen ditugu blogak… Beraz, denok gara komunitate baten parte. Eta horrek gure izena hainbat plataformatan egotea ekartzen du.

Gure izena sarean dago, eta sarean profil bat sortzen dugu; izate bat eraikitzen dugu idazten dugun guztiarekin. Hortaz, kontu handiz ibili behar gara zer esaten dugun eta zer esaten denarekin. Beste era batera esanda: gure izen ona zaindu behar dugu.

Google-ek eskaintzen digun alarma edo salati hau aplikazio erabilgarria da horretarako. Alerta bat baino gehiago sortzeko aukera ematen du eta gure izenaz esaten den guztia kontrolatzeko balio digu. Nire partaidetza komunitateetan ez da oso aktiboa eta pasa den astean klasean nire izenarekin sortutako alerta horretatik ez dut posta elektronikorik jaso.

Baina beste gauza batzuetarako oso baliabide ona dela uste dut. Enpresa batean lan egiten baduzu adibidez, sarean zure enpresaz esaten den guztia jasoko duzu. Google-ek geroz eta aplikazio gehiago eskaintzen dizkigu, eta denak dira erabilgarriak.

Iruzkin bat utzi

Uncategorized atalean

Google Calendars

Googleek eskaintzen duen Calendars aplikazioa, erosoa eta erabilgarria izateaz gain, paperezko agendak baino aukera gehiago eskaintzen dizkigu.

Leku bakar batean; egutegi bat baino gehiago sortzeko aukera, egutegiak pribatu edo publiko izateko aukera, lagun eta familiako kideekin partekatzeko aukera, baita sortutako ekitaldien gonbidapenetan erantzunak, iritziak eta komentarioak jasotzeko aukera ere.

Bilerak, urtebetetzeak eta ordutegiak antolatzerakoan, kolore desberdinak erabil daitezke. Horrek, antolakuntza hobe baterako, gure agenda txukun mantentzeko eta erraz ulertzeko balio du.

Web bertsioko agenda hau Googleren aplikazioa denez, Googleek erabiltzen duen ohiko diseinu sinplea jarraitzen du. Googlek eskaintzen dituen beste aplikazioak agenda honetan txertatu daitezke eta hautazkoak dira.

Beraz, agenda osatu bat iruditzen zait, aukera askorekin, eta gaur egun daramagun bizimoduarentzat oso aproposa. Utz ditzagun paperezko agendak eta aprobetxa dezagun euskarri digitalak eskaintzen dizkigun aukerak.

Iruzkin bat utzi

Uncategorized atalean

Google Docs probatzen

Google Docs-ek aurkezpenak egiteko eskaintzen duen aplikazioarekin burututako lana: irekiko dugun taldeko blogari buruzkoa.

Iruzkin bat utzi

Uncategorized atalean