Artxiboa laburpen hitzeka: web 2.0

Community Manager

Sare sozialak komunikazio, publizitate eta marketing mundua guztiz aldatzen ari dira. Hasieran kontaktu harremanetarako bezala hasi ziren plataforma hauek marketing eta publizitatearen iturri bihurtu dira. Milaka lagun gaude Facebook, tuenti eta twitter bezalako guneetatik egunero informazioa jasotzen. Eta bitartean publizitate munduan lan egiten dutenek interneten negozio eredua bilatzen.

Sare sozialetan iragartzearena da CocaCola eta Puma bezalako enpresa handiek egin duten azkeneko apustua. Kontsumitzaile eta bezeroekin harremanetan egotea da azkeneko tendentzia. Coummunity Manager deitzen zaie Social Mediatan enpresa batentzako lan egiten dutenei. Beren eginkizun nagusia sarean enpresaren produktuari buruz esaten den guztiaz jabetzea eta bezeroak informatuta mantentzea da, baita bezeroen eskaerak edo kexak enpresari jakinaraztea ere.

Lanpostu hau geroz eta ohikoagoa izango da gure inguruan, eta nork daki guk horretan bukatuko dugun. Egia esan, lanbide hori ez zait batere desatsegina iruditzen, gustura egingo nukeen zerbait dela uste dut. Teknologia berrietan eta Social Mediatan trebatua izan behar da Community Manager bat izateko, baina ez dut uste hori guretzat oztopo izan daitekeenik.

Hala eta guztiz ere, lan mundua urrun ikusten dut eta nire burua lanpostu batean ikusteko beharrik ez daukat.

Iruzkin bat utzi

Uncategorized atalean

Google Docs probatzen

Google Docs-ek aurkezpenak egiteko eskaintzen duen aplikazioarekin burututako lana: irekiko dugun taldeko blogari buruzkoa.

Iruzkin bat utzi

Uncategorized atalean

Komunikaldiak: telebista Interneten

Komunikaldiak ospatzen diren 5 urtea da eta hau izan da bertan egon naizen lehen aldia. Louis Philippe Dominguez, Ruben Sanchez eta Hector Milla izan dira goizeko gonbidatuak, eta Iban Arantzabal, Jexux Mari Irazu eta Iñako Gurrutxaga arratsaldekoak. Interneten lan egiten duten adituak dira eta oso presente dagoen gai honen inguruan hitz egin digute; telebista Interneten.
Honez gain, egun berezia izan da, HUHEZIk stream bidez emititu duen lehen saioa izan delako.
Internetek erronka berriak eta aukera berriak ekarri dituela dio Lost in TV-ko Ruben Sanchezek. Hau da; hedabide guztiak kanal bakar batean elkartzea, lengoai hipertestuala, formatu berriak… Internet da mass-mediekin lehiatzen ari den plataforma berria. Bezeroak nahi duena, nahi duenean eta nahi duen moduan jasoko baitu informazioa.
Interneteko telebista, telebista tradizionala hartzen du eredu. Horrela agertu dira webTV, webseries, internet movies eta infotaiment bezalakoak. Youtube, deilymotion, dalealplay, blip, vimeo eta metacafe moduko plataformak nagusitu dira eta hasi dira jada Interneterako telebistak; nikodemo tv, lostin tv, adristream, telebision, collegehumor…
Ideia berriekin eta iradokizunekin datorren jendea da. Gutxirekin, gaur egun asko egin daitekeela frogatu zuten atzoko gonbidatuek. Kamera, internet eta garatzeko ideia batekin nahikoa da. Zailena irabaziak ateratzea dela esan zuten eta oraindik negozio ereduetan pentsatu behar dela zioten.
Atzoko hitzaldian gehien harritu ninduena lizentzien kontua izan zen. Batzuk lizentzia ez komertzialek zentzurik ez zutela zioten eta beste batzuk ordea, Creative Commons-en aldekoak ziren. Ulertzen dut, lizentzia ez komertziala euskararen kasuan hizkuntza zabaltzeko beharrezkoa dela. Beraz, erabili dezagun Creative Commons.

Iruzkin bat utzi

Uncategorized atalean

Joxe Felix Diaz de Tuestaren hitzaldia

Joxe Felix Diaz de Tuesta argazkilariak Flickr-en  inguruko hitzaldia eman zigun atzo. Flickr-eko goi mailako erabiltzailea da eta hemen behean aipatuko ditudan hainbat erabilera interesgarri irakatsi zizkigun.

Argazkigintzaren filosofiari dagokionez; ez ditu argazki perfektuak bilatzen, ez da estetika baten jarraitzaile eta emaitza perfektua bilatzen dutenekin ez dator bat. Joxe Felix de Tuestak nahiago ditu beste motatako argazkiak, argazki bildumak hain zuzen. Gai desberdinak jorratzen ditu, baina orokorrean ekintza sozialak islatzea du gustuko. Bere Flickr kontuan ikus daitekeen moduan paisaiak, erretratuak eta ekintza zehatzak atzitzen ditu, baina beti dira bilduma baten parte. Euskal Herriko inguruak eta euskal kultura ditu atsegin.

Erabiltzen duen kamera profesionala  Cannon EOS5D izenekoa da, reflexa eta erresoluzio handikoa (12 megapixel) eta normalean erabiltzen dituen objektiboak erakutsi zizkigun bakoitzaren ezaugarri nabarmenenak aipatuz:

  • 16-35 mm dituen objektiboa, gran angularra: zabalera handiko irudiak atzitzeko erabiltzen duena. Paisaiak batez ere.
  • 24-70 mm dituen objektiboa, ez horren angularra: bestelako argazkiak ateratzeko erabiltzen ditu. Oso espazio zabalak ez diren irudiak ateratzeko.
  • 70-200 mm dituen objektiboa, teleobjektiboa: Distantzia urruneko argazkiak ateratzeko erabiltzen duen objektiboa.

Hala ere, objektiboaren ezaugarri nagusia lentearen garbitasuna zela esan zuen, lenteak pasatzen uzten zuen argiarengatik. RAW formatuan lan egiteko gomendioa ere eman zigun, argazki baten gainean lan egiteko aukera ematen duelako originala galdu gabe. Hala eta guztiz ere aldaketak dituzten argazkiak TIFF kalitate altuko formatuan gordetzen ditu, baina inoiz ez, Flickr-era igotzeko garaian, interneten JPEG formatuan igotzea delako normalena (argazkiaren pisuarengatik).

Hona hemen Flickr-era argazki bildumak igo aurretik egin beharrekoa:

1.    Argazkiak izendatu.
2.    Etiketak jarri; tokiaren izena, urtea, eta zenbakia.

Lehen aipatu bezala, Joxe Felix de Tuestak bildumak igotzen ditu beraz, 1001 izeneko aplikazioaren berri eman zigun, oso erabilia bere kasuan. Aplikazio honek duen abantaila nagusia argazkiak banan bana igo beharrean, 200 argazki batera igotzeko aukera ematen duela da. Argazkiak batera igotzeaz gain, argazkiak batera etiketatzeko aukera ere ematen du.

Hitzaldiarekin bukatzeko, Flickr-eko goi mailako erabiltzaile batek, argazkiak partekatzeko erabiltzen den sare sozial honen erabilera nagusiak aipatu zizkigun: lehiaketak, taldeak, ikastaroak, faboritoak…

Flickr, munduko argazki erakusketa handiena bezala definitu zuen. Eta hau izan zen, Flickr-en inguruan gehien gustatu zitzaidana; zure argazkiak munduko edozein lekutatik ikusiko dituztela eta zure lana edonon ikusteko aukera ematen duela.

Iruzkin bat utzi

Uncategorized atalean

Ziberkazetaritza

Internetekin informazioaren gizartea ezagutu dugu.

Kazetaritzaren sektorea arriskuan jarri da; Internet, digitalizazioa eta honekin etorri den informazioaren eskuragarritasunarekin.

Gaur, denok dugu sarrera doaneko informaziora web 2.0 deritzonari esker. Informazioa eskuratzeko, zabaltzeko eta partekatzeko erabiltzen dugun sarea da Web 2.0. Denok izan gaitezke informazioaren igorle edo hartzaile.

Ohiko komunikabideen betebeharra informazioa eskaintzea zen. Komunikazio prozesu honetan hartzaileak beti jarrera pasiboa hartzen zuelarik. Baina orain arteko komunikazio eredua aldatu egin da. Aldaketa batek, beste hainbat aldaketa suposatzen ditu: negozio eredu berriak, publizitatearen finantziazioaren erregulazioa, baita profesional berrien eskakizuna ere. Profesional berri hauei ziberkazetariak deituko diegu.

Zer nolako ezaugarriak bete behar ditu gaur egungo ziberkazetari batek?

•    Multimedia mundua ezagutzea, honen erabilera egokia egitea eta honi ahalik eta etekin hoberena ateratzen jakitea da ezaugarrietako bat.
•    Ezagutza teknologiko eta informatikoak ere beharrezkoak dira, on line lan egiten duen kazetari batentzat.
•    Internet hedabide informatibo bezala erabiltzen jakitea eta erabiltzea ere garrantzitsua da.
•    Bizkortasunez lan egiten jakitea ezinbestekoa da albisteen aurrerapena eskatzen duen horrelako medio digital batentzat.
•    Azken orduko albisteei eta arazoei aurre egiteko erraztasuna eta baliabideak izatea.
•    Taldean lan egiten jakitea ere kontuan hartzen den beste gaitasun bat da.
•    Trebetasun komunikatiboak beti izan dira funtsezko kazetaritzan.

Iruzkin bat utzi

Uncategorized atalean